Pjesëmarrje në punëtori për muraturë me gurë të thatë
Në periudhën 1–10 shtator 2025, në Hvar – Qyteti i Vjetër u mbajt një punëtori për muraturë me gurë të thatë në kuadër të Programit të UNESCO-s për Vullnetarët e trashëgimisë botërore. Organizator i kësaj punëtorie ishte Institucioni Publik – Agjencia për Menaxhimin e Starogradsko Polje, e cila është përfshirë në Listën e UNESCO-s që nga viti 2008. Starogradsko Polje ka një sistem gjeometrik ndarjeje me mure guri të thatë, i formuar që në kohën e kolonisë greke.
Vullnetarët punuan nën udhëheqjen e mjeshtërve nga organizata Dragodid, ndërsa ngjarja u financua nga Ministria e Kulturës dhe Mediave e Republikës së Kroacisë.
Punëtoria për muraturë me gurë të thatë ka për qëllim ruajtjen dhe restaurimin e traditës së lashtë greke të ndërtimit pa llaç, si dhe përcjelljen e njohurive tek vullnetarët e rinj, të cilët do ta përhapin atë më tej. Përmes trajnimit, pjesëmarrësit mësojnë teknikat e vjetra të ndërtimit dhe bazat e tyre themelore, duke kontribuar kështu në ruajtjen e trashëgimisë kulturore të paluajtshme dhe në mbështetjen e komuniteteve lokale.
Në punëtori mori pjesë Darko Trajkovski, arkeolog, konservues – bashkëpunëtor profesional për trashëgiminë arkeologjike të periudhës antike në Departamentin e Trashëgimisë Arkeologjike, Sektori për Hulumtim dhe Projektim Konservues të Trashëgimisë Kulturore të Paluajtshme në QKK – Shkup.
Përgatiti:
Darko Trajkovski
Foto: Pavel Jaroshevski
