TAIEX, metodat bashkëkohore për pastrimin dhe konservimin e pikturave murale
Sot, në Portën e Maqedonisë, nisi misioni i dytë i ekspertëve i TAIEX-it, që i dedikohet metodave bashkëkohore për pastrimin dhe konservimin e pikturave murale.
Sekretarja e shtetit e Ministrisë së Kulturës dhe Turizmit, Marija S. Gjorgova, në fjalën e saj theksoi se ky mision përfaqëson një hap të rëndësishëm në avancimin e metodologjisë, standardeve dhe praktikave në mbrojtjen e trashëgimisë kulturore. Ajo theksoi se, në një kohë me sfida të shumta bashkëkohore, forma të tilla të bashkëpunimit ndërkombëtar janë thelbësore si për shkëmbimin e praktikave të mira, ashtu edhe për krijimin e modeleve të qëndrueshme për zhvillimin e institucioneve.
“Ministria e njeh rëndësinë e këtij misioni dhe e mbështet fuqishëm realizimin e tij. Investimi në ekspertizë, kuadër profesional dhe edukim të vazhdueshëm të konservatorëve tanë është investimi më i mirë për të ardhmen e trashëgimisë sonë kulturore”, theksoi Gjorgova.
Ajo shprehu mirënjohje për ekspertët nga Bashkimi Evropian që ndan njohuritë e tyre, si dhe për institucionet dhe profesionistët vendas që me përkushtim punojnë në mbrojtjen e vlerave kulturore. Ky bashkëpunim, siç nënvizoi ajo, nuk përfaqëson vetëm shkëmbimin e informacionit, por edhe ndërtimin e besimit, zhvillim profesional dhe partneritetet afatgjata.
Pritet që misioni të kontribuojë në përmirësimin e protokolleve teknike, zhvillimin e qasjeve të reja dhe rritjen e efikasitetit në punën praktike konservuese në terren, duke siguruar kështu mbrojtje më të madhe, ruajtje të autenticitetit dhe kultivim të kujtesës kulturore.
Në fund, sekretarja shtetërore Gjorgova theksoi se Ministria e Kulturës dhe Turizmit mbetet partner i përkushtuar në proceset e modernizimit, transformimit digjital dhe evropianizimit të sektorit, me një qëllim të qartë: një politikë kulturore të fortë, profesionale dhe bashkëkohore që mbron dëshmitë më të çmuara të historisë dhe identitetit maqedonas.
Marrë nga Ministria e Kulturës dhe Turizmit – link
